The One That Got Away

Kum 5 kalta khan ka tawng,
Nitin sikul kan kal ho,
Thla hnih chhung vawikhatmah
ka be lo,
Vawikhat chu min nuih seih,
Mahse ka tana ruat a ni tih ka
ringhlel lo.
Ka hmangaih thu hrilh ka duh a,
Mahse, ka hrilh lo.

Thla hnih hnuah kan inbe ve
tawk,
A felin kan inkawm nel chho,
Kar tawp apiangin an in ah ka
leng,
Ani chuan thian tha tak,
Kan ni a ti.
Ka hmangaih thu hrilh ka duh a,
Mahse ka hrilh lo.

Sikul ka chhuah hnuin,
A thiam loh min zawtin a lo leng,
Zan lamah an inah ka zirtir ta
hial,
Hlim taka inkawmin kan nui dun,
Ka thiantha ber I ni min ti,
Ka hmangaih thu hrilh ka duh a,
Mahse ka hrilh lo.

Zirna sang zirin phaiah ka awm a,
Phone hmanga inbiak kan thulh
chuang lo.
A hmel hmuh chakin hun ka
chhiar,
Ral atanga a nui ri tluka mawi
kha,
A awm thei tawh lovang.
Ka hmangaih thu hrilh ka duh a,
Mahse ka hrilh lo.

Khuanu zarah dam takin ka haw
leh,
An in ka han kai,
Hlim takin min lo chhawn a,
Inngai taka titi in,
Thingpui in rawh a ti.
Ka hmangaih thu hrilh ka duh a,
Mahse ka hrilh lo.

Kan inkawm lai chuan a phone a
ri a,
A chhan hnu ah a thawmhnaw a
thlak.
Ka hma a dingin ''ka nalh em'' a
ti a,
Kei chuan a nalh zia hahipin ka
sawi,
Tichuan pawnah mi nghak ang a
ti a.
Ka hmangaih thu hrilh ka duh a,
Mahse ka hrilh lo.

Pawnah chuan ka huaisenna
zawng zawngin,
Ka rilru hrilh ka tum a,
Mahse kan hma ah Car nalh tak
a rawn ding a,
Ka lam hawia nuih sang pahin,
"Hei hi ka bialpa a nia, kan leng
dawn a, nakinah kan inkawm
dawn nia" a ti a,
An tlan liam ta.
Kei chuan ngawi renga Bye Bye
bak tihtheih ka nei lo.

Ka hmangaih thu hrilh ka tum a,
Mahse ka hrilh lo.