Film Te Hi Awm Ta Lo Se...

Film kan tih mai Movies te hi awm ta lo se hengte hi kan hre lo mai awm mang e….


1) In hrànga awm reng rengin hmeichhiain thawm danglam deuh hlek apiang kawr taksa lang tam thei ang ber ha in a va finfiah kher tur a ni.


2) Police in emaw, misual in emaw an um reng reng che in eng lai pawha bikbo theihna tur St Patrick’s Day parade a awm thei zel.


3) Rizai tha mi, L-shape a siam, mipa kawng thleng leh hmeichhe zakhnuai thleng khuh thei a awm tih te hi.


4) Bazar bag zawng zawngah French bread tlawn khat tal a awm zel.


5) Indona-ah reng reng i thiante hnena in lama i bialnu emaw, i chhungte emaw thlalak i hmuh palh hlauh chuan i thi ngei ngei ang. I hmuh tir lem loh chuan thih lohna chance tha tak i nei.


6) Paris khawpuia in zawng zawng tukverh atangin Eiffel Tower a hmuh theih.


7) Insualna-ah chuan na engmah hre lo mah se hmeichhia in an hliam an tihfai sak chuan na an ti thei hle.Hei hian kèng kùng lam a hring tel chawk.


8] Police Lalte hi misual chhuina- ah an dik lo chawk.


9) Taxi-a i chuan reng rengin a fare ah buai suh. I duh zat zat pe la, a fare dik tak a ni nghal ang. A kir (change) pawh a awm chuang lovang.


10) Choka-ah light vuah a ngai lo. Fridge hawng la, chumi eng chu rin mai tur.


11) Police in thil an chhui reng reng in Strip club vawi khat tal tlawh ngei ngei a ngai.


12) Misual pawimawh vak lo ho chu vawi khat khawih ah an thi nghal mai a. Misual pawimawh chin erawh chu a changtupa an sawisak hrep hnu ah thah an ni chauh thin.


13) Insual naa hmelma lamin an tam hneh viau che pawn pawi ti suh. A mal te tea i khawih hun nghakin i bulah an lo lam kual vel mai mai ringawt ang.


14) Mut dawna light off in room a thim phah kher lo; a pawl deuh phut.


15) I silai mu a zawh chuan paih mai rawh. Silai dang load sa thlapin chhar mai tur a awm zel.


16) Detective reng rengin an hna atanga suspend an tawh phawt a, anmahni thua an chhui zawm phawt loh chuan case an solve thei ngai lo.


17) Car i mamawh chuan kawngsira i duh ber kha la tawp mai rawh. Tuman kawngkhar an lock ngai lo, chabi pawh sunshade-ah khan a awm mai ang.


18) Khawlaia i làm duh chuan i bul hnai vela mi te kha sawm la, a step zir hran ngai lovin an lo thiam ve vek mai ang.


19) Zanlaia inthiar tura i thawh reng rengin bath tub-ah serial killer an awm leh awm loh check zel tur.

20) Hmeichhia mahnia chèng reng rengin zawhte an vulh zel.

Note : Hei hi misual.com lamah January 6,2011 khan ka chhuahtir tawh a. Ka han tarlang leh mai mai a ni e.